SORMEN EGONALDIAK 2023:
piszifaktoria / hau gerra bat da
Hau gerra bat da murgiltze-esperientzia bat da, gero eta gertuago daukagun gerraren terroreaz hitz egiteko. Formatu berritzaile baten bidez, publikoak erabakiko du ikuskizunaren garapena. 360 graduko erritual batean, artista eta publikoa, denok berdinduta. Performancetik oso gertu dagoen erritu kolektibo bat, lau lengoaia artistikoz josia: hitza, musika, dantza eta mugimendua.
jokin guridi / 27m3
Formatu txikiko esperientzia inmertsibo bat sortu nahi da. Pertsona, irudia eta soinuaren arteko interakzioan oinarrituz, esperientzia mikroinmertsibo bakar eta errepikaezinak sortuko dira, teknologia eta arte bisualaren bidegurutzean kokatzen den proiektu honetan.
jonathan escapa / hau ez da amodiozko kantu bat
Plastikoa argiari lotua dago. Maitasuna bezala. Papera ere hor da, elkar elikatzen dira. Bien arteko espazio zaurgarri h100rretan, habi moduko batean, maitasuna etengabe bueltaka. Talka baten ondorioz hasten dira istorio ederrenak s200rtzen. Eta eskulana, eskulana makinala orekatze aldera.
Ohin-oharra: zeloa beti gainean.
Loreak ere ez daitezela in300iz falta.
Elena Olave Duñabeitia / Kutunak
Edertasun txiki diren gauzen inguruan ikertu eta joslastu nahi du artistak egonaldi honetan. Hauek atondu eta artxibatzearen inguruan lan egin, forma bat eman, pertsonaletik kolektiborako jauzian artxiboak duen zentzuan harreta jarri. Bereziki maitasun gutunetan eta ondare propioan harreta jarriz gorputza eman nahi dio bilduma kutun bati, irudiz zein hitzez, gauza txiki preziatuak biltzen dituen karraskari txiki baten moduan.
Oier Aramendi / Izenbururik gabe
Soinu esperimentazioaren bitartez musika elektronikoaren mugak arakatzeko asmoa da egonaldi honen xedea. Sintesi modularraren eta askotariko gailu analogiko zein digitalen erabileraren bitartez erritmoak, droneak eta bestelako soinu geruzak tartekatuz izaera propio bat izan dezaken soinu identitate baten bilaketan aritzeko abagunea.
maider lasa eta maike bengoa / loa loa, laguna
Proposamen honetan, Maider Lasa dago eszenan bere gorputzaren mugimenduaren bidez irudiak sortzen, ikus-entzunezko proiekzioekin, zuzenean sortzen duen musika eta ahotsarekin. Gaien artean, haurtzaroa eta zahartzaroa dago, sexualitatea eta sensualitatea, zoramena, araua, zaharra eta berria… eta naturaren elementuak elementu teknologikoekin nahasten dira.
laura gómez eta iñigo rementeria / lo gracioso del vértigo
Zer da bertigoa? Nola eragiten digu? Zer gertatzen da gure gorputzean bertigoa sentitzen dugunean? Non eta noiz esnatzen da? Alde dibertigarria ere badu? Galdera horiek gorputzera eramatera izango da egonaldi honetan dugun asmoa.
izaro olano eta irati berasategi / gorputzak laualdian
Ahotsak ahotsari, ahotsek ahotsari. Zer gertatzen da hitzak eta soinuak elkarrekin topo egiten dutenean? Denbora eta espazioaren eraldaketak gorputz ezberdinetan uzten duen arrastoa poesia musikatuaren bidez aztertu nahi da. Lau fasetan, hotsez osatutako oinarri musikatu batek lagunduko ditu errezitatutako hitzak.
Ane Zapirain eta Alicia Rechac / Gordinak
Asmoa gorputzaren oroitzapenari buruzko ikerketa bat egitea da. Espazio bat desokupatzerakoan
geratzen den arrastoan harreta jartzean datza, hirugarren entitate gisa izendatu daiteken hori
lantzea. Dimentsio bizia sortzen du arrasto horrek, konposizioaren errealitatearekin bizi den beste entitate bat. Esaten ez dena gizatiartzeko ideia, harremana eta testuingurua ikusarazteko eta sorkuntzan subjektu bat gehiago balitz bezala tratatzeko euskarria da.
Sandra Cuesta / Deep Blue
Espazioa, gai eskultorikoak eta musika ditu lanabes artista honek. Bideo eta soinuen lanketa da egonaldi honen helburua; espazioa, irudia eta soinuaren arteko harremana lantzea jendarteari
aurkezteko modu propio bat bilatu bidean.
gari aranbarri / zerbait daukat zuri emateko
Zerbait daukat zuri emateko, ehungintzatik hasi eta eskulturara zabaltzen den proiektu bat da. Eguneroko objektuak dira, ohiko espaziotik kanpo daudenak, formen eta esanahien edukiontzi eta konektore gisa erabiltzen direnak, eta, horrela, hizkera materialki paradoxikoa sortzen da. Horrekin guztiarekin, motelgailu gisa jardungo duten artefaktuak sortzea bilatzen dut.
irati antia / azukre beltza
Proiektuak esklabutzaren auzia landuko du Julian de Zulueta pertsonaiarenganako hurreratze baten bitartez eta esperientzia murgiltzaile digital bat izango da horren emaitza. Espazioa, irudia, musika eta esperimentazioaren bitartez hausnarketarako bidea ireki nahi du proiektuak.
laura penagos / putaren bakarrizketa eroetxean
Franca Rame eta Dario Foren testu batetik abiatuta, antzerki arineko formatuan planteatutako bakarrizketa da “Putaren bakarrizketa eroetxean”.
Nerea Elorza, Eider Sanz eta Amaia Santamaria / Atalak
Aldentzea eta gabezia gainditzearen inguruko lan koreografiko bat da hau. Zati bat, bi fragmentu,
hiru sekzio eta lau kapitulu dituen pieza intimo eta humanista baten bitartez norbere identitatea
eraikitzearen eta esentziaren etengabeko bilaketari buruz hitz egiten da. Besteen isladak gutariko bakoitzean duen eraginari buruzko hausnarketa bat ere bada.
Ines Osinaga / Badon*
Opera garaikide bat izango da Badon*, etorkizun desiragarri bateko opera postdramatiko bat, dramaturgiaz gain, baliabide bisualak, zuzeneko musika, dantza, mugimendua, literatura eta bertsoak barnebilduko dituena. Fokua bidean dute jarrita; kolektiboaren baitan gertatuko den horretan.